"Маркировкалаш"ни ислоҳ қилиб бўлмайди Газета маркировкалаш тизими етказаётган жароҳатлар ҳақида ишлаб чиқарувчилар ва экспертларнинг фикрларини катта мақолага жамлаган. Мақоладаги ҳар бир хатбоши ишлаб чиқарувчиларнинг оғриғи ва соғлом ақлга мурожаатдан иборат. Хар бир ҳақли сўров мантиқнинг йўқлигига бориб тақалади. Лекин суҳбатдошлар овоз чиқариб (дод солиб) айтолмаган хулоса бор: Маркировкалашни ислоҳ қилиб бўлмайди, бу тизим шартли равишда корчалон чўнтакка 1 млрд.доллар тушириш учун Ўзбекистон иқтисодиётига 10 млрд.долларлик жароҳат етказиш (харажатларни ошириш ва истеъмолчилар бўйнига юклаш, рақобатбардошликни ва самарадорлигини пасайтириш) устига қурилган. Шунинг учун, ечим битта: мажбурий маркировкалаш бекор қилиниши керак!