Ўзбекнефтгаз 2025 йилда нефть кескин арзонлаганда бензин нархининг ошиши сабабларини нега тушунтирмади? Ўзбекнефтегазнинг янгиланган коттаконлари Ўзбекистонда бензин ва дизель ёқилғиси қимматлаётганини Яқин Шарқдаги можаролар ортидан нефть нархи қимматлаётгани билан изоҳлаган (лекин янги энергетиклар ўртачаларни эмас, максимум ва минимумларни солиштириб нефть нархлари 80%гача, айрим мамлакатларда ёқилғи нархлари 2 каррагача ошганига важ келтирган). Ва эмишки, жаҳон бозорларида нефть қимматлашишига қарамай, Ўзбекистонда ёқилғи нархи мўътадил суръатда ошмоқда. Хўш, биз бу каби яхшиси ошириб, ёмони яширилган баёнотлардан хурсанд бўлишимиз ва раҳмат айтишимиз керакми? Йўқ, албатта. Чунки янги ўзбекнефтегазчилар ҳеч қурса, 2025 йилдаги (ва аввалги йиллардаги) ғирт тескари жараёнларни эслашни лозим топишмаган. Маълумот учун, 2025 йил давомида брент типидаги нефть нархи ўртача 80 доллардан 60 долларгача, яъни 25%га арзонлаган. Айни пайтда ўзбек сўми долларга нисбатан 6,8%га мустаҳкамланган. Ёқилғи бозоримизда соғлом рақобат бўлганида ёки ҳеч қурса очофат монополист ва олигархлар тийилган бўлганида, бензин нархи камида 20-25%га арзонлаши керак эди. Лекин 2025 йилда бензин арзонлашиш ўрнига 11,9%га қимматлаган. Ўзи, уруш бошлангандаёқ ёқилғи нархларини ошириб олишга зўр баҳона бўлишини прогноз қилгандик. Зеро пандемиядан кейинги даврни олсак, Ўзбекистонда нефть нархи ошсаям, бензин нархи ошади, нефть нархи тушсаям, бензин нархи ошади. Бу қоида биз ўзбекистонликларнинг самарасиз энергетика ва йўқ рақобат учун тўлайдиган товони формуласига айланган.