"Охирги 30 йиллик ғоя Марказий банк мустақил бўлиши кераклигига асосланган" Газета мухбири Баҳодир Абдуллаев Хорватия Марказий банкининг собиқ раҳбари, Халқаро валюта жамғармаси маслаҳатчиси Марко Скреб билан қизиқарли суҳбат қилган. Интервьюда жаною Скребнинг Марказий банк мустақиллиги, қарорлар қабул қилишда тадқиқотларнинг роли, тартибга солиш чегаралари ҳақидаги мулоҳазалари кенг ва тор мутахассислар учун фойдали бўлиши керак. Айни пайтда Марко Скребнинг ёш иқтисодчиларга маслаҳатлари эътиборли: "Биринчидан, улар Марказий банкка келганларининг ўзи билан фахрланишлари керак ва қилаётган ва келажакда қиладиган ишларининг нақадар муҳимлигини англашлари лозим. Иккинчидан, университетда нима ўқиган бўлишмасин, ҳатто фан доктори бўлиб келишса ҳам (бу, албатта, мақтовга лойиқ), дунё ўзгараётганини тушунишлари керак. Сиз ҳозир билган нарсалар ва парадигмалар ўзгаради. Мен анча олдин ўқиганман ва ўша пайтдаги «тўғри» деб ҳисобланган нарсалар бугун мутлақо бошқача. Учинчи маслаҳатим — камтарин бўлинг. «Камтарин» деганда нимани назарда тутяпман? Мен ўзим ҳам ёшлигимда бунга амал қилмаганман. Шахсий тажрибамдан айтсам: мен 39 ёшимда раис бўлганман. Ўшанда бутун дунё меники, нархлар барқарорлигини ва ҳамма нарсани биламан деб ўйлагандим. Икки йил ўтиб, Хорватияда ҳеч ким, жумладан, мен ҳам кутмаган жуда оғир банк инқирози юз берди. Бу менга мутакаббир бўлмаслик кераклигини ўргатди. «Инфляцияни жиловладик, энди муаммо йўқ» деб ўтирганингизда тўсатдан 20 та банкни ёпишга мажбур бўлсангиз, эшик ортида нима кутаётганини ҳеч қачон билмаслигингизни тушунасиз".