Тошкентда уй-жой нархининг даромадга нисбати жозибаси яқин пойтахтларга нисбатан ҳам ортган
Марказий банк 65 кв.метрлик хонадон мисолида Тошкент шаҳрини собиқ совет маконидаги еттита пойтахт билан ҳам солиштирган.
Уй-жой нархининг даромадга нисбати индекси бўйича Тошкент Қозоғистон пойтахти Остонадан ортда қолган холос. Ижаранинг нисбий арзонлиги борасида ҳам Тошкентни фақат Остона ортда қолдирган.
Ҳисоб-китобларда 2026 йил 1 январь ҳолатига Тошкент шаҳрида 1 м2 квадрат уй-жой ижара тўлови 89,7 минг сўмни (бир ой учун) ташкил этгани, аҳолининг ўртача даромади сифатида 2025 йилда Тошкент шаҳрида ходимларга ҳисобланган ўртача номинал иш ҳақи (10 753,8 млн.сўм) ва уй-жой нархи сифатида 2026 йил 1 январь ҳолатига 65 м2 хонадонлар ўртача нархи (1 м2 учун ўртача 14,9 млн.сўм) кўрсаткичларидан фойдаланилган.
Регулятор хулосаларига кўра:
ижара даромадлари даражаси уй-жой нархларига нисбатан барқарорлашмоқда;
Тошкент шаҳри уй-жой бозорида ижара сегменти талаб омили туфайли нисбатан тезроқ ривожланиб, инвесторлар учун барқарор даромад манбаи ва шаклланаётган бозор сифатида юқори потенциал мавжудлигини кўрсатмоқда;
ижарадан олинадиган даромадлар, аҳоли даромадлари, ялпи талаб ва таклиф каби
фундаментал омиллардан келиб чиқиб, келгусида пойтахтда кўчмас мулк нархлари ошиши эҳтимолини юзага келтиради;
келгусида ипотека бозорининг кенгайиши ва инвестицион талабнинг ошиши натижасида уй-жой нархининг ижара тўловларига нисбатининг ўсиш эҳтимоли мавжудлигини кўрсатади.
Тошкент шаҳрида ижара бозорини мувозанатли ривожлантиришда кўчмас мулк таклифини кенгайтириш ҳамда мазкур бозорни институционаллаштириш муҳим
аҳамият касб этади.