​Картошка импорти кескин қисқарган, нархи ошган Апрель ойида Ўзбекистонга 2,2 млн.долларлик 34,9 минг тонна картошка импорт бўлган. Бу март ойига нисбатан 3,2 карра, ўтган йилнинг апрелига нисбатан эса қарийб 3 карра кам. Ўтган ойда импорт бўлган картошканинг ҳар тоннаси ўртача 61,7 долларданга тушган. Март ойида картошканинг тоннаси ўртача 54,1 доллардан импорт бўлган эди. Яна импортнинг жуғрофияси кескин ўзгарган. Ўтган йилнинг шу даврида картошка асосан Сурхондарё субъектлари орқали импорт бўлган бўлса, жорий йилда импотнинг энг катта қисми Фарғона вилояти субъектларига тўғри келмоқда. Эҳтимолки, ўтган йили импортнинг энг катта қисмини Покистон картошкаси ташкил этган бўлса. бу йил Қирғизистон (ёки Қирғизистон орқали кираётган картошка) картошкаси олиб кирилмоқда. Апрелда картошка энг юқори даражада қимматлаган маҳсулотлар рўйхатида қолди, май ойининг дастлабки ҳафтасида ҳам нархлар ошишда давом этмоқда.