Картошка нархини арзонлаштириш учун бу йил 84 минг гектар майдонга картошка экилади Электрон оммавий ахборот воситалари миллий ассоциацияси ташаббуси билан ташкил этилган очиқ мулоқотда тегишли вазирлик ва идоралар картошканинг ички бозордаги нархига ҳам тўхталишди. Жорий йил бошида ички бозорда 1 кг картошканинг ўртача нархи 4247 сўмни ташкил этган, бугунги кунга келиб эса унинг нархи 3 000 сўмдан 5 500 сўмгача сотилмоқда. 2021 йилнинг январь–25 апрель даврида тадбиркорлик субъектлари томонидан жами 211,5 минг тонна картошка импорт қилиниб, ўтган йилнинг мос даврига нисбатан 26,3 фоизга ошган. Очиқ мулоқотда иштирок этган мутасаддилар томонидан картошка нархининг барқарорлигини таъминлаш учун жорий йилда 51 минг гектар асосий ва 33 минг гектар такрорий майдонларга картошка (19 минг гектарга кўп) экилиши маълум қилинди.