Бонкалар молиявий платформада мижозлар учун рақобатлашади Ўтган кунги катта йиғилишда кичик бизнес учун кредитлашни рақамлаштириш орқали янада имконли қилиш масаласи муҳокама этилган. Бунинг учун кичик бизнес эгаларининг кредит буюртмалари жойлаштириладиган молиявий платформа ишга туширилади. Марказий банк раиси Тимур Ишметовнинг қайд этишича, платформадан иккита мақсад кўзланган. Биринчиси — тадбиркорлар банкма-банк юриб ўзининг кредитга лаёқатини исботлаб юрмайди, банклар яхши ва барқарор мижозлар учун рақобатли курашга киришади. Иккинчиси — скоринги паст бўлган мижозлар ўзларининг молиявий интизомини яхшилаш рағбати пайдо бўлади, платформа тизими унинг камчиликларининг кўрсатиб беради. Мазкур тизим доирасида 27та вазирлик ва идоранинг маълумотлари асосида муқобил скоринг модели яратилади. Модель анъанавий молиявий натижаларни эмас, айланмалар, коммунал тўловлардан тортиб, солиқ ва божхонагача бўлган маълумотларни инобатга олади. Мақсадли кўрсаткич ўлароқ жуда юқори вазифа қўйилган. 2030 йилга бориб кичик бизнесга ажратилган кредитларнинг ЯИМдаги улуши ҳозирги 12%дан 20%га, миқдорда эса 218 трлн.сўмдан 654 трлн.сўмга етиши керак