​Арзон электромобиллар импорти бошландими? Май ойида енгил автомобиллар импорти қийматда қисқарган, лекин сонда ортган. Ой давомида 6 951 дона электромобиль импорти қайд этилган. Импорт бўлган электромобилнинг ҳар бири ўртача 7 178 долларданга тушган. Солиштириш учун, апрелда 6 717 дона электромобиль импорт қилинган ва ҳар бир электромобиль ўртача 11 693 долларданга тушганди. Газ тақчиллиги, бензин ва пропан қимматлиги шароитида айнан арзон электромобиллар Ўзбекистон учун ечим бўлади ва шу йўлда арзон электромобиллар учун утилизация йиғими бекор қилиниши (нафақат чўнтак ва шерик компанияларга, барча учун) муҳим иқтисодий аҳамиятга эга. Бензинда ҳаракатланувчи автомобиллар импорти ҳам қийматда камайгани билан сонда ортган. Майда жами 2 071 автомобиль импорт бўлган (ўртача қиймати 15 179 доллар). Апрелда 1 574 дона автомобиль импорт қилинган ва унинг ҳар бир ўртача 23 880 долларданга тўғри келганди.