Россия бензин импортчисига айланмоқда Босқинчи Россиянинг нефтни қайта ишлаш заводларига Украина томонидан берилаётган муваффақиятли зарбалар ўз натижасини кўрсатмоқда (кеча ва бугун тонгда ҳам дронлар билан серияли ҳаво ҳужумлари натижасида хусусан, Москвадаги нефтни қайта ишлаш заводига катта зиён етказилган). Ёзилишича, Россия денгиз йўллари билан бензин импорт қилишни бошламоқчи. Осиё давлатларидан (эҳтимолки Хитойдан) импорт қилинган бензин босқинчиларнинг шимолий портларига июнь ойининг ўзида етиб келиши мумкин. Сал олдинроқ, ўтган 5 ойда Россия Беларусдан бензин импорти 13 карра ошгани ва 270 минг тоннага етказилгани ҳақида маълумот пайдо бўлганди. Лекин буям кунда кун ора ишдан чиқарилаёган нефтни қайта ишлаш заводлари фонида етарли бўлаётгани йўқ. Шунингдек, Россия бензин етказиб бериш илтимоси билан Қозоғистонга ҳам мурожаат қилган. Мустақил манбаларга кўра, Россия нефтни қайта ишлаш заводларининг 30%дан кўп қуввати яксон қилинган. Яна бир муаммо бензин ва ёқилғи маҳсулотларининг транспортивкаси ва логистикаси билан юзага келган. Хусусан, босиб олинган Қрим, Донбасс ва унга ёндош вилоятларда трассалар ва кўприклар украин дронларининг оператив назоратида қолаётгани туфайли улкан ёқилғи дефицити юзага келган. Россияга импорт борасида қарам қилинган ва хусусан, шу сабабли нархлар осмонга сакраётган Ўзбекистонда зудлик билан бензин ва бошқа ёқилғилар (пропан, дизель) импортининг яқин қўшни ва қардошлар орқали муқобил ва барқарор манбаларини таъминлаш ҳақида қайғуриш ва амалий ҳаракатларга ўтиш керак бўлади.