Нефть нархи қуламоқда, Ўзбекистонда эса бензин янги рекордларгача қимматламоқда АҚШ ва Эрон ўртасидаги келишувлар тасдиғини топгач, кеча брент типидаги нефть нархи 79 долларгача, 3 ойлик минимумларгача арзонлаган. Лекин муқобил бозорлардан узилган ва импорти фақат бир манбага ва концентрациялашган даражада қарам Ўзбекистонда айни шу куни бензин нархи янги тарихий максимумгача — тоннаси 13,9 млн.сўмгача кўтарилган. 92 лақабли бензиннинг биржа нархи июнь ойида 11,5%га қимматлаган. Эркин бозор мавжуд маконларда бензин аллақачон арзонлаша бошлаган, масалан, АҚШда бир галлон бензин нархи ўртача 3,99 долларгача тушган (майда 4,5 долларгача кўтарилганди). Ўзбекистон нефть ва нефть маҳсулотларининг импорти сунъий ва маъмурий равишда Россияга боғланган. Россиянинг ўзида охирги ҳафталарда Москвадан тортиб босиб олинган Севастополгача 50дан ортиқ регионда бензин сотувига чекловлар киритилган. Айрим компаниялар, масалан Татнефть барча шохобчаларида қатъий чеклов ўрнатган. Энг йирик ўнта нефтни қайта ишлаш заводидан саккизтаси зарбаларга учраган. Нефтни қайта ишлаш ҳажми 16 йиллик минимумларгача тушиб кетган. Бу ҳали бошланиши, агар босқинчилар сулҳга рози бўлишмаса. Шундай экан, Ўзбекистон шимолдаги бир манбага ишонмай, дўст ва қардош Озарбайжон, Қозоғистон ва Туркманистондан қўшимча ва узвий манбаларни кафолатли таъминлаш учун амалий ҳаракатларга зудлик билан киришиши керак.