"VFS Global Services UBKN" ва «Vizametric» МЧЖлар устун мавқега, "TLS Contact" МЧЖ эса устун музокара кучига эга Рақобат қўмитаси томонидан "VFS Global Services UBKN" МЧЖ Австрия, Венгрия, Люксембург, Нидерландия, Дания, Белгия, Болгария, Хорватия, Чехия, Эстония, Финландия, Греция, Ирландия, Латвия, Литва, Буюк Британия, Швейцария, Янги Зеландия, Исроил ва Мальта давлатларига, «Vizametric» МЧЖ Америка Қўшма Штатларига чиқиш учун виза хизматларини кўрсатиш бўйича “Рақобат тўғрисида”ги Қонуннинг 13-моддасига асосан устун мавқега эга, яъни халқона тилда монополист деб эътироф этилган. «TLS Contact» МЧЖ Германия ва Франция давлатларига чиқиш учун виза хизматларини кўрсатиш бўйича “Рақобат тўғрисида”ги Қонуннинг 14-моддасига асосан устун музокара кучига эга деб эътироф этилган. Бу хорижга чиқишда виза хизматларидан фойдаланувчи истеъмолчилар ҳаққи учун яхши янгилик. Қонунчилигимизга кўра, устун мавқега эга монополистлардан нархларни асоссиз оширмаслик талаб қилинади, устун музокара кучига эгалардан эса шартномаларда адолатсиз шартларни мажбурламаслик талаб қилинади. Хуллас, энди виза берувчи операторлар антимонополия радарида бўлади. Қанийди, антимонополиянинг кучи бошқа, ҳалигача монополист деб топилмаган корчалон ва чўнтакларларгача ҳам етиб борса.