Ўзбекча кўзқараш: "Unitel" МЧЖ устун мавқега эга, Toshkent imtihon markazi эса йўқ Балки монополияга қарши кураш органлари Toshkent imtihon markazi'ни устун мавқега эга субъектлар рўйхатига киритгандир, билмай қолгандурман, дея яна қайтадан реестрга кўз югуртирдим. Йўқ, Toshkent imtihon markazi рўйхатга киритилмаган. Зато, қачонлардир реестрга қўшилиб қолган Beeline бренди остида ишлайдиган "Unitel" МЧЖ рўйхатда бор. Тасаввур қилингда, ўзбек истеъмолчисида уяли алоқа компанияси танлашда камида бешта танлов бор, улардан бири "Unitel" МЧЖ ҳалиям устун мавқега эга деб ҳисобланилмоқда. Ҳа, яхши, Beeline'да устун мавқе мезонларининг билвосита белгилари бордир. Лекин истеъмолчиларда имтиҳон топшириш борасида бошқа муқобил танлов умуман йўқ бўла туриб Toshkent imtihon markazi устун мавқе реестрига қўшилмаган. Мана Рақобат тўғрисидаги қонун. Қонуннинг 6- моддаси бўйича Toshkent imtihon markazi устун мавқега эга деб эътироф этилиши керак. Қонуннинг 7- моддаси бўйича, Toshkent imtihon markazi тарифларининг оширилиши товарнинг монопол юқори нархи деб топилиши зарур. Бу қонун бўйича. Лекин янги Ўзбекистонда кабинетларни тепиб кирадиганлар учун қонун ишлайдими?