Бош Прокуратурага кўра, 2022 йилда Самарқандда Шанхай ҳамкорлик ташкилотига аъзо давлатлар раҳбарларининг навбатдаги саммитига тайёргарлик кўриш доирасида ажратилаётган пулларнинг талон-торож қилиниши ҳолатлари ўрганилипти. Талон-тарож миқдори доимгидек бир неча миллиардни ташкил этган. Шундай тасаввур уйғонмоқдаки, янги даврда қурилиш, ижтимоий соҳа ва медицинада давлат ва бюджетнинг миллиардларини ўзлаштириш нормага айланмоқда гўё. Лекин сояда, енг остида бўлаётган жараёнлар борки жамоатчилик эътиборидан четда қолаётгандек. Бу футболдаги ўзлаштиришлар. Куни кеча "Андижон" ФК банкротлиги эълон қилиниши ҳақида хабарлар ортидан яна қайдандир, қайданлиги номаълум, пуллар пайдо бўлгани ва клуб фаолиятини давом эттириши эълон қилинди. Молиявий бассейнга айланиб қолган футбол клубларининг тафтиш этилиши, уларнинг қандай молиялаштирилаётгани ва маблағлар қандай сарфланаётгани ўрганилса, аминманки, ҳар бир клуб бўйича ўнлаб жиноий иш ва миллиардлаб ўзлаштиришларни топиш мумкин бўлади.