Футбол клубларининг "хусусийлаштирилиши" боқимандаликдан чиқишга ечимми? Мактаб битирувчиларининг ОТМга кириш кўрсаткичи бўйича мамлакатда энг охирги ўринга тушган Андижон вилоятининг ҳокими "хусусийлаштирилди" деб келинадиган "Андижон" ФКни пул тарафдан қўллаб-қувватлашини эълон қилди. Шунингдек, Шуҳрат Абдураҳмонов футболчи Ҳебайга исталган автомашинасини бориб танлашини, қолганларга эса «Iphone 14» смартфонлари совға қилинишини айтди. Илгари "Андижон" ФК бюджетдан пул олмаслиги, хусусийлаштирилгани ҳақида кўп баёнотлар янграган. Клубнинг давлат назоратига қайтгани тўғрисида расмий хабарлар очиқланмаган. Шу ўринда ўзбек футболининг ҳозирги ривожланиш босқичида футбол клубларининг "хусусийлаштирилиши" уларнинг боқимандаликдан қутқармаслигини очиқ тан олиш керакка ўхшайди. Хусусан, Андижон ФК мисолида ҳам бир неча йил аввалги "қиммат шприц можароси" ҳам айнан шундай илдизларни очиб беради. Практикадан кўрмоқдамизки, давлат "хусусийлашган клуб" эгаларига каррасига қимматлаштирилган давлат буюртмаси ёки шиширилган лойиҳаларни молиялаш орқали ёрдам кўрсатишда давом этиши керак. Ёки сиздан угина, биздан бугина схемаларига бориш, клубга "қараб туриш" ё "нагрузка" эвазига нималаргадир кўз юмишга тўғри келади. Бизга шундай "хусусий клублар" керакми ўзи? Шунда клублар самаралироқ бўлиб қоладими? Тобора оғирлашиб бораетган иқтисодий шароитда бюджетга бевосита ва билвосита юкламани камайтирадими?