Гўшт нархи ниҳоят барқарорлашаётганга ўхшайди 24 июндан 1 июлгача бўлган ораликда мол гўштининг нархи 0,1% арзонлаб, 122 627 сўмни ташкил этган. Қўй гўштининг нархи деярли ўзгаришсиз, 133 432 сўм даражасида қолган. Энг қиммат мол гўшти Юнусободда (135 909 сўм, энг қиммат қўй гўшти Шайхонтоҳурда (150 000 сўм) сақланмоқда. Мол гўштининг энг сезиларли арзонлашуви Пахтакор туманида (-4,0%), қўй гўштининг энг сезиларли арзонлашуви эса Зоминда (-2,5%) қайд этилган. Гўшт нархининг арзонлашувида нафақат юқорилаётган ҳарорат таъсирида талабнинг пасайиши, шунингдек импорт гўштнинг таклифи кўпайгани ҳам таъсир ўтказмоқда (импорт оша бошлагани ҳақида кейинги постларда). Муҳим озиқ-овқатлардан сабзининг раллиси давом этмоқда. Сабзининг нархи ҳафта давомида яна 2,4%га ошган. Гуруч 1,3%га, пиёз 0,3%га қимматлаган.