​Олтиннинг физик ҳажми янги рекордга етганига қарамай, захираларимиз қисқарган Июнь ойида халқаро захираларимиз 6,8 млрд.долларга қисқариб, 1 июль ҳолатига 63,8 млрд.долларни ташкил этган. Захираларнинг валюта қисми 1,1 млрд.долларга, 7,4 млрд.долларгача, олтин қисми эса 5,7 млрд.долларга, 55,8 млрд.долларгача камайган. Захираларнинг қисқариши олтин нархи тушиши фонида юз бермоқда. Олтин котировкалари 2025 йил ноябрь минимумларигача пасайгани бўлса, захираларимиз қолдиғи 2025 йил декабрдан кейинги минимумларгача тушган. Айни пайтда захиралардаги олтиннинг физик ҳажми янги рекорд — 13,9 млн.унциягача етган, 2025 йил ноябрдан бери ҳисобласа, қарийб 2 млн.унция қўшилган. Шу билан бирга, олтин сотилмаган ойларда олтиннинг физик ҳажми ўртача 280 минг унцияга ортаётгани эътиборли (ўтган йилда олтин сотилмаган ойларда олтин ҳажми 300-320 минг унцияга ортиб борарди). Эҳтимолки, бу олтин ишлаб чиқариш ҳажми камайгани билан ҳам боғлиқ бўлиши мумкин.