Олтин сотилмаган июнда захиралар бироз камайган Июнь ойи якунларига кўра, халқаро захираларимиз қолдиғи 293,7 млн.долларга камайиб, 36 340,6 млн.долларни ташкил этган. Захираларнинг валюта қисми 796,8 млн.долларга қисқариб, 8 469,7 млн.доллардан иборат бўлган. Олтиннинг физик ҳажми қолдиғи 300 минг унцияга ошган, юқори эҳтимол билан ўтган ойда олтин экспорти юз бермаган. Котировкаларнинг пасайиши туфайли захираларнинг олтин қисмининг пулдаги қиймати сал камтарроқ, 506,6 млн.долларга кўпайган ва 27 318,9 млн.долларга етган. Импортнинг бюрократик йўл билан мақбуллаштирилаётгани захираларнинг нисбатан барқарорлаштираётгани ҳолатида захираларнинг маъмурий таркиби, хусусан унинг ФРРУ томонидан бошқарилаётган қисми қандай ўзгараётгани номаълум бўлиб қолмоқда.