Олтин сотилмаган ойда ҳам халқаро захираларимиз кўпайди Июнь ойи давомида олтин-валюта захираларимиз 179,8 млн.долларга кўпайиб, қарийб 35,6 млрд.долларга етган. Бунда захираларнинг валюта қисми 157,5 млн.долларга, олтин қисми эса 39,8 млн.долларга кўпайган. Олтин захираларининг ҳажми 300 минг унцияга ёки ўртача 8,5 тоннага ошган. Демак, июнь ойи давомида ҳам катта эҳтимол билан нархлари тобора пасайиб бораётган олтин сотилмаган. Шу билан бирга захираларнинг валюта қисмининг ўсишига эришилган. Олтин сотилмаган ойларда халқаро захираларнинг, айниқса унинг валюта қисмининг ўсиши юз бериши тескари интервенция (ностерил интервенция - хорижий валюта сотиб олиниши) натижалари туфайли ҳам бўлиши мумкин.