​Золотая Корона операторининг санкцион рўйхатга қўшилганини ўзбекистонликлар сезишдими? Аксар ўзбек банклари Золотая Корона билан ишлашни 2024 йил августда, тўлов тизими оператори РНКО "Платежный Центр" отаси — таъсисчиси «Центр финансовых технологий» гуруҳига АҚШ санкциялари киритилгандаёқ тўхтатишган эди. Қатор банклар эса рублдаги ўтказмалар билан ишлашда давом этишган. Кечаги ЕИ санкциялари эса бевосита Золотая корона оператори РНКО "Платежный Центр"га қарши блокловчи чеклов ва чораларни ҳам ўз ичига олади. Янги санкциялардан кейин мазкур тўлов оператори билан ишлаётган банклар ўз хатарларини ва эҳтимолий йўқотишларини қайта баҳолаб кўришларига тўғри келади. Золотая корона (Корона) шимолдан пул ўтказмаларини таъминлаётган пул ўтказмаларининг бири холос, охирги йилларда ўтказмаларда бевосита банклар орқали ўтказмаларнинг улуши ва ҳажми (картадан картага) кескин ошган.