​Норасмий бандлик 48% Фискал диалогда янграган, лекин кўпчилик эътиборсиз қолдирган рақамлардан бири бу норасмий бандлик билан боғлиқ. Дарё келтирган иқтибос: “Бугун иш билан банд бўлганларнинг 48 фоизи, яъни қарийб ярми норасмий секторда фаолият юритаётгани сабабли ижтимоий солиқнинг мунтазам тўловлар базаси чекланмоқда... 14,7 миллион иқтисодий фаол аҳолидан тахминан 5,4 миллион киши расмий секторда банд". Энди бу рақамларни бир йил аввал очиқлаган маълумотлар билан солиштирамиз. Ўшанда 15,4 миллион иқтисодий фаол аҳолидан 8 миллион расмий банд (55%), 4,8 миллиони эса норасмий банд (33%) экани маълум қилинган. Бир йил ичида расмий бандлик камайиб, норасмий бандлик ошган бўлиши мумкинку дейишингиз мумкин. Лекин режа бўйича 2025 йилда 5,2 миллион бандлик таъминланиши айтилган бўлсада, бандлик режаси 5,4 миллион этиб бажарилганди! Қайси омиллар таъсирида норасмий бандлик ошиб, расмий бандлик камайган? Жумбоқ.