Пропан учун бозор ва электр учун чегирма керак Пропаннинг бозор ва аҳоли учун нархи ўртасида 4 каррагача фарқ бўлган шароитда ўғирликларни тўхтатиб бўлмайди. Lolazor'нинг охирги сонида хусусан шу ҳақда ҳам гаплашдик. Энергетика вазирлигининг янги раҳбарияти узил-кесил ва иродали ҳал қилиши лозим бўлган, охирги йилларда фақат чуқурлашиб бораётган оғир муаммолардан бири ҳам шу ўзи. Электр энергияси учун чегирмага инфратузилма ҳозирча бардош бермайдиган, лекин бозор яратиш мумкин бўлган ҳудудларда бозорга ўтиш керак (бунда монополистларнинг диктатини чеклаган ва соғлом рақобатни таъминлаган ҳолда). Пропан ғирт бозор товари, агар шу бозор товари билан рақобатли таъминотни йўлга қўя олинмаса, демак муаммо яна бошқарувда бўлади. Талабни юмшатиш учун, электр энергияси генерацияси етарли даражада, инфратузилма бардошли бўлган газлашмаган ҳудудлар учун эса электрга 50%ли чегирмани тақдим этиш зарур. 3 йилдан бери давом этаётган ўрганишларни амалда тадбиқ этиш пайти келган аллақачон.