Чакана банклар “етакчи” бўлаверади, агар… Албатта, мурожаатлар антирейтингини ҳеч ким шубҳа остига олаётгани йўқ. Лекин биринчи чорак ва иккинчи чорак натижаларидан келиб чиқилса, агар формулага хос тузатишлар киритилмаса, чакана банклар ва фаолиятида чакана устун банклар “етакчилигича” қолаверади. Чунки чакана банкларда мижозлар сони корпоратив мижозлардан юзлаб, минглаб карра кўп экан, уларда мурожаатлар сони ҳам шунга мутаносиб бўлаверди. Шундан экан, бу антирейтингда шартли Миллий банк ёки Саноатқурилишбанкни кўрмаймиз. Ҳақиқат учун айтиш лозимки, айрим корпоратив мижозларнинг мурожаати вазни бўйича юзминглаб чакана мижозлар мурожаатидан қимматроқ, муҳимроқ ва аҳамиятлироқ бўлиши мумкин. Шунинг учун методологияда ё корпоратив/чакана пропорцияси инобатга олиниши ёки бўлмасам, чакана мижозлар мурожаатлари учун алоҳида, корпоратив мижозлар учун алоҳида антирейтинг тузиш ўринли бўларди.