Ярим очиқ: UzGasTrade Ўзбекнефтегаз ва хусусий чўнтаклардан газни қанчадан сотиб олади? Ҳукумат комиссияси янги тарихимизда биринчи марта газ ва электр энергиясининг улгуржи нарх ва тарифларини эълон қилмоқда. Лекин газ мисолига келсак, тарифларнинг ягона газбассейн - UzGasTrade газ қазиб олувчилардан сотиб оладиган қисми яна тўлиқ очилмай қолган. Илгари, шонли энергетиклар даврон сурган даврда, масалан, соғин сигирга айлантирилган Ўзбекнефтегаз учун атайин энг паст тарифлар, чўнтак компаниялар учун эса каррасига баланд, ҳатто импортдан қиммат тушадиган нархлар белгиланар - бу Ўзбекнефтегазни талаб, қарз ва ботқоққа ботириш, олигарх чўнтакларни эса бойитиш воситаси эди. Энди қандай? Нимадир ўзгардими?