"Иқтисодиёт ўзи келтириб чиқармаган ташқи шокларни ҳам ўзига юта олишга қодир бўлиши керак" Ўтаётган ҳафтада Тошкентда Давлат захира активларини бошқариш бўйича халқаро форум бўлиб ўтди ва унда бир қатор муҳим фикр-мулоҳазалар янгради. Диверсификациялаш ҳақида: "Бизнинг ҳаракат йўналишимиз — янада диверсификация қилиш: активлар синфлари, валюталар ва контрагентлар бўйича. Ва биз бу қарорларни фақат ўз қарашларимизга таяниб қабул қилиш ниятида эмасмиз". Шоклар ҳақида: "Бундай суръатларда ўсаётган ва очилаётган иқтисодиёт ўзи келтириб чиқармаган ташқи шокларни ҳам ўзига юта олишга қодир бўлиши керак. Айнан шу нуқтада захираларни бошқариш биринчи ўринга чиқади". Олтин ҳақида: "Масала энди олтиннинг захиралар таркибида бўлиши керак ёки керак эмаслигида эмас. Бу ерда бошқа, анча мураккаб савол туғилади: захиралардаги олтиннинг оптимал улуши қанча бўлиши керак ва бу олтин қандай бошқарилиши лозим? Менимча, энг асосий савол — олтин халқаро захираларнинг салмоқли қисмини ташкил эта бошлаганда нималар содир бўлади?".