Турк лираси тубга қулашда давом этмоқда Бугунги савдоларда доллар/лира жуфтлиги 8 лик барьердан ўтган. Турк лирасининг бу сафарги қулаши нотўғри монетар қарорлар оқибати билан эмас, масъулиятсиз сиёсий баёнотлар ва қадамлар туфайли юз бермоқда. Қўшма штатлар Туркияга нисбатан Россиядан С-400 тизимини сотиб олганлик учун санкциялар қўллаши мумкин. Бу ҳам етмаганидек, Эрдоганнинг Франция раҳбарияти ва сиёсатига нисбатан ҳақоратли сўзлари янграшда давом этмоқда. Эрдоганнинг оғзидан чиқаётган ҳар бир ҳақоратли сўз турк лирасига, лирага қўшиб Туркия иқтисодиётига зиён етказмоқда. Йил бошидан буён ҳисоблаганда турк лираси долларга нисбатан 25%лик қийматини йўқотди.