​Фаворитизм нима ўзи? Фаворитизм - ўрта асрларда абсолют ҳокимият эгаси бўлган қироллар ва императорларнинг ўзига садоқатли ва турли бошқа сабабларга кўра яқин бўлган шахслар ёки гуруҳларга ҳокимият, бойлик ёки бойлик орттириш имкониятининг туҳфа этилишидир. Кўпчиликда фаворит деганда хаёлига биринчи бўлиб Россия императрицаси Екатерина Иккинчининг фаворити князь Потёмкин келади. Потёмкин Екатерина Иккинчининг танасига яқинлиги сабаб ўз даври учун чекланмаган ҳуқуқ ва имтиёзларга эга бўлган: Империянинг ғарбий губернияларини назорат қилиш, лавозимларни сотиш, божлардан озод қилишдан тортиб давлат харажатларини амалга оширишгача садоқатли ва севимли Потёмкинга ишониб топширилган. Екатерина Иккинчининг Қримга саёҳати вақтида императрицада таассурот қолдириш учун йўл бўйлаб картондан сохта қишлоқлар қурдирган ва Потёмкинские деревни иборасинининг муомалага киришига ҳам Потёмкин сабабчи. Лекин ўрта асрларда фаворитлар кўпинча ҳаётини жуда аянчли якунлашган. Валийнеъматининг ҳокимиятдан кетиши ёки ўлими фаворитнинг ҳам қатл этилиши, қамоққа ташланиши ёхуд мол-мулки тортиб олиниб сургун қилинишига олиб келган. Давлатчиликнинг демократия томон тараққиёти, капитализм ва очиқ бозорнинг ривожланиб бориши билан фаворитизмга кўп давлатларда барҳам берилган. Африка ва Осиёнинг авторитар ва диктаторлик режими остидаги қолоқ давлатлари бундан албатта мустасно. @the_bakiroo