Жиноятлар кўпу жиноятчи йўқ Телеграмдаги сўровларни ёмон кўраман, лекин шу бирёқламадек кўринаётган сўровларда ҳам кайфият ва сигнал, бугунги ёлғон кунимизга қўйилган тамға бор. Шокиржоновнинг Сурхондарё вилоят ДСБга ҳужжатларни қалбакилаштириб харид қилинган Equinox автомобили борасида ким айбдор бўлиб чиқади, деган сўровида феълан муттаҳамлик бошида турган бошқарма бошлиғи эмас, компьютерчи бола ва блогерлар варианти олдинда бормоқда. Мана шунақа юртда яшаяпмиз. Раҳматли Шавкат Раҳмон айтганидек: Начора... уйғониш... ғафлат ғафлат-да, зўр келса манглайга кифоя бир ўқ. Минг афсус, яшаймиз шундоқ давлатда жиноятлар кўпу жиноятчи йўқ.