Қонун-қоидаларни ҳам, тўғридан тўғри кўрсатмаларни ҳам очиқчасига бузаётган ўғрилар ҳақида Давлетов Молия вазирлигига таяниб Сурхондарё вилоятида хизмат автомашиналари сотиб олинишида Давлат харидлари порталига қалбакилаштирилган ҳужжат нусхаси жойлаштирилганлиги ҳақида ёзмоқда. Молия вазирлиги аслида Nexia-3 автомобилини харид қилишга рухсат берганига қарамай, амалда Nexia-3дан 3 баробар қиммат Equinox сотиб олинган. Буям майли, кўрсатма хатни бузибди дерсиз. Лекин Президент ва ҳукумат қарорини очиқчасига бузаётганлар ҳам саноқсиз. Карантин чекловлари айни авжига чиққан апрелда Президентнинг 4679- сонли ва Ҳукуматнинг 232-сонли қарори қабул қилинган. Унга кўра, асосий воситаларни харид қилиш ва капитал таъмирлаш билан боғлиқ харажатлар 1 июлга қадар тўхтатилиши белгиланган. Хоразм вилоят ҳокимияти эса бу қарорларга кўндаланг қўйиб 29 июнь куни Кобальт автомашинаси сотиб олган. Давлат харидлари бўйича битимларни кузатиб бораётганлар, агар мабодо 2020 йил 15 апрелдан 1 июлгача муддатга асосий восита сотиб олингани ҳолатига дуч келган бўлсангиз, буни қўрқмай очиқланг. Эълон қилинг. Халқ унинг бойликларини қайси ўғрилар талон-тарож қилаётганини билиб олиши лозим. Президент ва Ҳукумат ҳам. @the_bakiroo