Ситига ажратилган ерлар қайта сотиб юбориш учун ажратилганмиди? Эсингиздами, Тошкентнинг қоқ марказларидан бири «Узэкспоцентр»га ёндош ер майдонларида Delta City қуришмоқчи эди. Бу ҳақда алоҳида қарор ҳам чиққан, ер майдонлари ҳам ажратилган. Орадан 2 йил ўтиб, тахминан ўша ҳудудда 1,1 гектар ер майдонлари сотувга чиқмоқда. Сотихи 50 минг доллардан. Бутун майдон эса 5,5 млн.долларга баҳоланган. Ўта қиммат ва ликвид ер майдонлари учун қарор чиқариб олиниб, кейин учинчи қўлларга бир неча юз карра ортиқ нархда сотиш схемалари биринчи марта қўлланилаётгани йўқ. Маржа чўнтакка ёки керакли одамлар билан бўлишилади. Гўёки сиртдан қараганда ҳаммаси қонунийдек. Лекин бу битимлар русчасига айтганда "мнимая сделка" ёки сохта келишув, дея баҳоланиши лозим. Жазо, таъқиб йўқ экан, нафақат Тошкентда, вилоятларда ҳам мансабдор шахсларнинг яқинларининг шундай схемалар орқали пул ишлаши кундан кунга авж олиб ётипти. Прокуратура ва айниқса хавфсизлик идоралари эътибор қаратишига ишонамиз. Ўғрилар амалда эмас, турмада ўтириши керак. @the_bakiroo