​Монополист чипта нархларини пасайтириши мумкинми? Uzbekistan Airways Тошкентдан Урганчга 417 минг сўмдан, Андижонга эса 127 минг сўмдан авиачипта харид қилиш мумкинлигини маълум қилмоқда. Масалан, Рамазон ҳайитига Урганчга учмоқчи бўлганларга авиачипта қанчага тушади? Компания сайти орқали агрегатдан фойдаланиб излаб кўрамиз. Урганчга энг яқин сана 11 майга авиачипта мавжуд ва энг арзон багажсиз тариф бўйича авиачипта 467 736 сўм. Яъни айтилаётганидан 12,2%га қиммат. Андижонга билет излаймиз энди. Ҳайитгача фақат битта - 11 май, сешанба куни авиарейс мавжуд. Энг арзон, багажсиз авиачипта нархи эса 189 623 сўм, яъни ваъда қилинганидан 49,3% қиммат. Дарвоқе, бу субсидияланган тарифлар бўйича. Аввалроқ қабул қилинган субсидиялаш тизимида йўловчи ташувчи монополистларнинг манфаати нархларни туширишда эмас, кўпроқ субсидия олиш учун оширишда бўлиши ҳақида ёзган эдик. @the_bakiroo