Зафар Ҳошимов юқори сифат ва назорат тизимига эга мамлакатлар томонидан сертификатланган импорт қилинадиган товар ва хизматларни яна қўшимча миллий сертификатлаш амалиётини тўхтатишни таклиф этмоқда. Масалан, Грузия АҚШ ва Европа иттифоқи, OECD давлатлари сертификатларига эга товар ва хизматларни сертификатлашни 2005 йилдаёқ тўхтатган. Бундай жараён транзакцион харажатларни каррасига арзонлаштиради. Бўғзигача коррупцияга ботган сертификациялаш жараёнини шаффофлаштиришнинг биринчи қадами ўзи шундан бошланади.