Маржиналлик тушмоқда: Депозитлар нархи ошишда, кредитлар нархи эса пасайишда давом этмоқда Июнь ойида миллий валютада жисмоний шахсларнинг депозитлари ставкси 0,1 фоиз бандига ошиб, 19,5%гача кўтарилган, юридик шахсларнинг депозитлари ставкаси эса кетма-кет уч ойлик пасайишдан кейин, 0,2 фоиз бандга ошиб, 16%ни ташкил этган. Айни пайтда миллий валютада жисмоний шахсларга ажратилаётган кредитлар нархи 22,2%гача (-0,2%), юридик шахсларга ажратилаётган кредитлар нархи жса 20,8%гача (-0,4%) пасайган. Хорижий валютадаги тенденция ҳам шундай: жисмоний ва юридик шахсларнинг депозитлари нархи мос равишда 4,2% (+0,2%) ва 4,3%гача (+0,8%) кўтарилган. Хорижий валютадаги кредитлар нархи эса қисқа муддатлиси 6,7%гача (-0,1%), узоқ муддатлиси 6,1%гача (-0,3%) пасайган. Бошқача айтганда тижорат банкларининг маржиналлиги пасайгандан пасайиб бормоқда. Парадокс шундаки, банкларнинг маржиналлиги пасайгани сайин мавжуд рисклар камайиб қолаётгани йўқ. Депозитлар ва кредитлар нархларидаги ўзгаришларда эластиклик сезилмаяпти.