Депозит ставкалари пасая бошлагани қайд этилмоқда Октябрь якунига кўра депозитларнинг ставкалари пасая бошлаган. Жисмоний шахсларнинг депозитлари ўртача ставкалари бирданига 0,7%га пасайган ва 19,6%ни ташкил этган. Бу июнь ойидан буён энг паст кўрсаткич. Корпоратив депозитлар ставкалари эса 15,1%ни ташкил этган (-0.3%). Бу 2021 йилдаги энг паст даража. Бу тенденция бир ойликми ё давом этадими, бир нима дейиш қийин. Қатор банклар йил якунлангани сайин юқори фоизлик депозитларни қабул қилишни тўхтатаётгани йил охиригача кредитлар ориентирларига етиб бўлингани билан боғлиқ бўлиши мумкин. Кредитлар бўйича ўртача тортилган ставка 21,2% даражасида ўзгармай қолган. Бунда чакана кредитларнинг нархлари бироз кўтарилган бўлса (21,5% - (+0.1%), корпоратив кредитлар бироз арзонлаган (21,0% - (-0.1%).