Қонунлар фақат душманларга ишлатиладиган мамлакатда бу норма Қурбонов коронавирусни даволашга оид препаратлар нархлари турли дорихоналарда фарқ қилиши ҳақида ёзаяпти ва нега устама чегараларининг энг юқориси белгиланган бўлса ҳам фарқлар бунчалар каррасига ўйнашидан таажубланмоқда. Менда бу саволга жавоб бор. Мамлакатда қонун қоидалар шунчаки душманларга ёки бош кўтариб ҳақ талаб қиладиганларга ишлатиладиган матаҳга айланиб қолган. Қанақа чекланган устама? Ҳа, чекланган устама нормалари бор. Буям майли, ўтган йил 1 сентябрдан бошлаб кучга кирган Референт нархлар қоидалари ҳам бор. Унга кўра дори нархларининг чекланган нархлари ва ҳатто чекланган нархлар реестри ҳам мавжуд. Бу бўйича бутун бошли давлат органи ҳам тузилган: Фармацевтика тармоғини ривожлантириш агентлиги деб аталади у. Шу номи улуғ идора айта оладими? Ремдесивирнинг референт нархи қанча ўзи?