Июль ойида 400 дона Спарк ишлаб чиқарилган Расмий статистикага кўра, июль ойида атига 400 дона Спарк, 499 дона Нексия-3 автомобиллари ишлаб чиқарилган. Солиштириш учун июнь ойида 1143 та Спарк, 2813та Нексия-3 ишлаб чиқарилган эди. Умуман олганда, Uzautomotors АЖ июль ойида июнга нисбатан автомобиллар ишлаб чиқаришни кескин камайтириб юборган. Июнда 22986 дона автомобиль ишлаб чиқарилган бўлса, ўтган ойда бу кўрсаткич 16034 донани ташкил этган (минус 30%). Ишлаб чиқаришнинг кескин камайиб кетгани ярим ўтказгичлар етишмовчилиги ва шу билан бирга 15 июлдан буён заводда Chevrolet Onix va Tracker моделлари линиясини ишга тушириш тадбирлари олиб борилаётгани билан боғлиқ бўлиши мумкин.