Россиядан Ўзбекистонга қайтиш муаммоми? Россияда қолиб кетган юртдошларимизни мамлакатимизга олиб келиш мақсадида “Ўзбекистон темир йўллари” акциядорлик жамияти “Волжский-Тошкент” йўналишида 483-сонли йўловчи поездининг махсус рейсини йўлга қўйилгани айтилмоқда. Албатта бу яхши, лекин ғалати. Ҳозир Россиядан Ўзбекистонга қайтиш умуман муаммо эмас. Ўтган йили айни карантин чекловлари ва ваҳималари вақтида бу чинакам муаммо эди. Шу кунларда Россиядан қайтиш чипталарига талаб шунчалар қуйидаки, Москвадан Ўзбекистон шаҳарларига авиачипта 590 минг сўмдан таклиф этилмоқда. Лекин Ўзбекистондан Россияга кетиш авиачиптаси каррасига қиммат. Камида 3 875 000 сўмдан. Негадир монополистимиз Ўзбекистон темир йўллари ҳамма ишнинг тескарисини қиладигандек. Ҳозир Ўзбекистонликларга Россияга қатнайдиган поездлар керак. Тескариси эмас.