​Қуришини била туриб дарахт эктириш - ўзбек чиновникларининг севимли иши Бугунги йиғилишда кўп сув талаб қиладиган арча ва «газон» кўпайиб кетгани танқид қилинипти. Ахир ўғри ва муттаҳамликнинг синонимига айланган ўзбек чиновникларининг севимли машғулоти арча экиш ва газон тўшаш-ку. Чунки экилган арчаларнинг камида 70%и қурийди, газон йўқ бўлади ва келаси йил яна шу тарзда арча ва ўт экавериш ёки ташриф арафасида арча ва газонларни кўкка бўятиш мумкин. Миллиардлар, триллионларни ўғирлаш мумкин. Айниқса ҳоким бўлсанг-у, қизинг ё уканг гулчи ёки кўчат-чи бўлса, бу ишни чексиз-чегарасиз роҳат ва манфаат билан давом эттириш мумкин. Ана қаранг, 4 йилдан буён дарахтлар кушандасига айланган ер сотар жажман бир думалаб энди ҳимоячига айланмоқда. У бугунги йиғилишдан шуни тушунди: энди дарахт кесиб эмас, дарахт экиб ёки эккандай бўлиб, пул қилиш, бюджетни ўзлаштириш керак.