Бюджет ва давлат назоратидаги компаниялар маблағлари ҳисобидан Арча экиш тақиқланиши керак Суратда кўраетганингиз бугун 23 июнь куни 40 даража иссиқда Тошкентда, Чилонзор кўчасидаги манзара. Ҳа, адашмаяпсиз, арча экишмоқда. Оддий арча эмас, нархи бир неча юз минг сўмлик арча. Йилига халқнинг юзлаб миллиард сўмига арча экиб қуритадиган ва келаси йилга яна шу ишни такрорлайдиган Худо урган касофат чиновникларнинг бу йўриғини Оддий ўзбекистонликлар ўзгартира олмайди. Шунча чақириқлар, мурожаатлар, соғлом ақлга мурожаат бефойда. Чунки улар қип-қизил ўғри, арча эса ўғирлаш учун энг қулай восита. Лекин умид йўқ эмас. Ахир мамлакатда муҳим кампания кетмоқда. Агар айтайлик, асосий номзод Қаршига келишидан олдин шу ташриф учун экилган арча ташрифгача қуриб бўлганини билса, қандай реакция қилган бўларди? Ишонаманки, бу кўзбўямачиликларни билган асосий номзод бюджет ва давлат компаниялари ҳисобидан арча экишни тақиқлаш ҳақида қарор қилган бўларди. Ва мазкур қарорни барча Ўзбекистонликлар олқишлаган бўлишарди.