6 ёшли бўлғуси энергетикка Президент совғаси топширилди Жорий йилнинг 27 август куни Кармана туманида 100 МВт қувватли қуёш фотоэлектр станциясининг ишга туширилиши маросимида Президент Шавкат Мирзиёевга 6 ёшли Тимурбекнинг бобоси келажакда набираси энергетик бўлиш орзусида эканини айтганди. Ёш бўлишига қарамай, “келажакда энергетик бўламан”, дея орзу қилаётган шижоатли боланинг мақсади Шавкат Мирзиёевни тўлқинлантириб юборди. Шундан сўнг, давлат раҳбари Энергетика вазирлигига Тимурбекка президент совғасини топшириш бўйича тегишли топшириқ берган эди. 30 август куни бўлажак энергетикка тантанали равишда президент совғаси, шунингдек, энергия тежаш ва табиий ресурслар қанчалик қимматли қазиб олиниши ҳақида болалар учун чоп этилган китоб топширилди, унга катта муваффақиятлар тиланди. Энергетика вазирлиги Матбуот хизмати