​Талимаржон ИЭСни "хусусийлаштириб" юборишганини Давлат раҳбарига айтишмаганмикан? "Талимаржон ИЭСнинг 800 мегаваттли энергоблокини таъмирлаш ишлари 6 ойдан буён якунланмагани натижасида 3 млрд киловатт электр етказиб берилмаган" дея таъкидлаган бугун Давлат раҳбари. Бундан тўрт ой аввал 300 миллион долларлик устав капиталидаги 80 фоиз (40%дан) улуши учун тўлов ҳамда илгари «Талимаржон ИЭС» АЖ томонидан жалб қилинган тахминан 700 миллион долларлик кредитларни тўлашга йўналтириладиган маблағларни инвестиция сифатида киритиш эвазига БААнинг “Mubadala” ва “Taqa” компанияларига топширилгани эълон қилинганди. Ўшандаёқ биз туппа тузук ишлаб турган Талимаржон ИЭС Ангрен ва Янги Ангрен ИЭСлар тақдирини такрорлашини айтган эдик. Не тонгки, ёмон кутилмалар бирга бир такрорланган. Қизиқ, Давлат раҳбарига Талимаржон ИЭСни "хусусийлаштириб" юборишганини, энди у «Иссиқлик электр станциялари» АЖга кирмаслигини айтишмаганмикан?