Тошкент яхши бир кино байрами тараддудида 28 сентярбрдан Тошкент халқаро кинофестивалига старт берилади. Куни кеча шу бўйича ОАВ вакиллари, блогерлар ҳамда киноижодкорлар учун матбуот анжумани бўлди. Анжуманда кинофестиваль доирасида дунё ва янги ўзбек фильмларининг премьераси, жаҳон киноюлдузларининг Ўзбекистонга ташрифи, янги кинотеатрларнинг ишга тушиши ҳақида батафсил маълумот берилди. 28 сентябрь — 3 октябрь кунлари ўтказиладиган кинофестивалда ҳали ҳеч қаерда эълон қилинмаган киноянгиликларидан хабардор бўласиз.