Дефицит қандай ёпилади? 2022 йилги 25,0 трлн сўм миқдоридаги консолидациялашган бюджет тақчиллиги, шунингдек 12,9 трлн сўм миқдоридаги асосий қарзни қайтариш харажатларини қуйидаги манбалардан қопланиши режалаштирилган: 11,0 трлн сўм – ташқи қарз маблағларини жалб қилиш ва еврооблигациялар жойлаштириш ҳисобига; 6,0 трлн сўм – ички бозорга Давлат қимматли қоғозлари чиқариш ҳисобига; 2,7 трлн сўм – Тикланиш ва тараққиёт жамғармасининг йил бошига қолдиқ маблағлари ҳисобидан; 6,0 трлн сўм Давлат активларини хусусийлаштириш ҳисобидан тушумлар; 0,2 трлн сўм – Давлат бюджети ва Давлат мақсадли жамғармаларининг йил бошига қолдиқ маблағлари ҳисобидан 12,0 трлн сўм – Давлат дастурларини амалга ошириш учун вазирлик ва идоралар томонидан жалб қилинган ташқи қарз маблағлари ҳисобидан. 2022 йилда давлат ташқи қарзига хизмат кўрсатишга (асосий қарз ва фоизлар) учун 1,9 млрд.доллар харажат кўзда тутилган.