Бюджет диверсификацияси яхшиланади 2022 йил Давлат бюджети тушумларининг 36,4%и ТОП-10 солиқ тўловчилар ҳиссасига тўғри келади. Фуқаролар учун бюджет лойиҳасидан шундай маълумотни олиш мумкин. 2021 йил прогнозида бу кўрсаткич 44,5%ни ташкил этганди. Концентрация амалда энг юқорига чиққан 2020 йил бюджетида 10та солиқ солиқ тўловчи жами бюджет даромадларининг 44,3%ини берган. 2021 йил билан солиштирганда бюджетни тўлдирадиган ўнта йирик солиқ тўловчилар рўйхатидан UCELL тушиб қолгани қизиқ. Давлат назорати остида бўлган UCELL маълумотлар очиқлана бошланган 2019 йилдан буён ҳар доим ТОП-10 солиқ тўловчилар қаторига кириб келган. Олигархия назоратидаги Digital Holding ихтиёрига тақдим этиб юборилган UCELL қандай қилиб йирик солиқ тўловчилар қаторидан чиқиб кетгани ва амалда қанча солиқ тўлаётгани (тўламаётгани) ҳаммага қизиқ бўлса керак. Маҳаллий бюджетлар ва уларга ажратилган трансфертларда жиддий ўзгаришлар йўқ. Ҳалиям учта ҳудуд - Навоий, Тошкент вилоятлари ва Тошкент шаҳри бюджетлари трансфертларсиз тартибга солинади. Суммада энг кўп трансфертлар Қашқадарёга ажратилади (2,1 трлн.сўм). Улушда олганда трансфертларга боғлиқлик энг юқори ҳудуд Сурхондарё бўлиб қолмоқда. Вилоятнинг 44,6 фоиз харажатлари Республика трансфертлари эвазига амалга оширилади.