Жарлик ҳақида Тепадагилар оддий одамларга нима кераклигини, улар қандай дард билан яшаетганини билиш учун уйма-уй, маҳаллама-маҳалла юришипти. Балки буям самара берар. Балки ўша куни уларга учрашиб қолиб бахти чопган оқсоқол, болакай, боринг ана бутун маҳаллани корига ярар иш кўрилар. Шу ўринда кечаги юришлар ўлароқ якуний ва асосий манфаатдорлик жарликлар масаласи бўлганини айтмаса бўлмайди. Юришларда катталар излаб топган энг катта зарурият - Тошкенидаги жарликларни епиш экан. Нақ 450 миллиард сўмга. Яъни уларнинг, айниқса Артикходжаевнинг назарида тошкентликларнинг энг катта дарди ҳозир жарликларни епиш билан боғлиқ экан. Етиб келинган хулосанинг ўзи Халқ ва Тепа ўртасида қанақа ЖАРЛИК пайдо бўлаётганини кўрсатади. Агар кечаги свита оёқ қўйгани жой қолмаган метро ва соатлар кутиладиган автобусда юриб кўрганида, тошкентликлар аслида нимадан ва кимдан азоб чекаётганини ўз кўзлари билан кўришган, билиб олишган бўлармиди? Эрталаб соат 7дан она ва болалардан иборат турнақатор навбат йиғиладиган оддий поликлиникаларга бориб кўрганларида қандай хулосаларга келишган бўларди? Спорт залига эмас, мактабнинг парта қўйгани жой қолмаган синф хонасига кирганларида, балки мактаб етишмовчилиги оддий тошкентликларнинг, келажак авлоднинг дарди эканини кўрган бўлишармиди? @the_bakiroo