Нефть ва рубль учун аталган ҳафта Ўтаётган ҳафта нефть учун ҳам, унинг таъсири зиёда бўлган рубль курси учун ҳам жуда муваффақиятли кечди. Ҳафта давомида нефть котировкалари 89 доллардан 93 долларгача кўтарилди. Охирги марта нефть котировкалари 2015 йилда шундай юқори баҳоланганди. Нефть нархи ошиши, геосиёсий қарама-қаршиликлар ва баёнотларда кечган нисбий свкунатдан қувват олган рубль анча мустаҳкамланди. Ҳафта бошида 1 АҚШ доллари 78 рублдан ортиқроққа пулланган бўлса, кеча тунда 1 долларни 75,80 рублга сотиб олиш мумкин эди. Европа Марказий банки Кристин Лагарднинг пайшанба куни ўтказган матбуот анжумани ва еврозонада пул-кредит шартларининг қатъийлаштириш бўйича баёнотлари евронинг долларга позициясини жиддий ўзгартирди. Европа Марказий банки ставкаларни аввал кутилганидек, йил охирида эмас, сентябрдаёқ оширишни бошлаши мумкин. Янги баёнот ва кутилмалардан кейин евро/доллар жуфтлиги 1,115дан 1.145гача кўтарилиб кетди.