Украина устида яна қора булутлар Ўтган ҳафтанинг бошида кескинлик чекингандек кўринган эди, лекин охирги уч кунда вазият яна мураккаблашди. Қўшма штатлар Россия яқин кунларда Украинага ҳужум қилиши мумкинлигини маълум қилди. Президент Байден ҳатто агрессия юз берадиган аниқ санани айтиб ўтган: Агрессия 16 февралга мўлжалланган. Россия Қора денгизда 30 дан ортиқ ҳарбий кемаларни жамлаган ва Азов денгизига ўтадиган бўғозни ёпиб қўйган. Россия Белорусь-Украина чегаралари бўйлаб Искандер ва С-400 комплексларини жойлаштирган. Кеча кун бўйича Ғарб етакчилари ҳам диломатик, ҳар ҳарбий каналлар орқали Путин ва унинг шотирлари билан мулоқотда бўлган. Диалоглар якунида оптимистик хулосалар янграгани йўқ. Голландиянинг KLM авиакомпанияси Украинага парвозларни тўхтатган. Эртага Украина осмони парвозлар учун ёпилиши мумкинлиги ҳақида хабарлар тарқалмоқда. Суғурта компаниялари суғурта мажбуриятларини чақириб олишмоқда. 30дан ортиқ давлатлар ўз фуқароларини Украинани тарк этишни сўрамоқда. Улар ичида, ҳозирча Ўзбекистон йўқ. Ғарб давлатлари элчи ва консулларини Киевдан Львовга кўчиришмоқда. Агар бугун кечгача кескинликни юмшатиш борасида бирон янгилик бўлмаса, эртага тонгдан Россия фонд биржаси ва рубль курсининг кескин қулашини кузатиш мумкин бўлади.