Каламушлар биринчи бўлиб қочади Буни ўтган ойда Қозоғистон мисолида ҳам кўрдик. Мамлакат хавф остида қолганида уни биринчи бўлиб олигарх ва уларга чирмашиб кетган муттаҳамлар тарк этади. Шу кунларда Украинада юзага келган кескинлик ва агрессия эҳтимоли бу аччиқ хулосани яна бир марта исботлади. Кеча Украинани 20дан ортиқ чартер рейслар ва хусусий самолетлар зудтар тарк этган. Рўйхатнинг бошида мамлакатнинг биринчи рақамли миллиардери Ринат Ахметов турипти. Миллиардер ва олигархлар Виктор Пинчук, Вадим Новинский, Александр Ярославский, Василий Хмельнийкий, Вадим Столар, Андрей Ставницер, Вадим Нестеренко, Игорь Абрамович кабилар Украина халқи бошига ташвиш тушганда моли ва жонини олиб бир четда томошабин бўлиб туришни маъқул кўришган. Собиқ совет ўлкаларида миллиардларнинг келиб чиқиши ва жамланиши асосан криминал ва коррупцион характерга эга. Ноқонуний хусусийлаштириш, давлат буюртмаларининг ўзлаштирилиши, ресурсларнинг тақсимланиши каби жараёнлардаги адолатсизликлар олигарх дея аталадиган ўғри ва муттаҳамлар тоифасини яратди. Уларда Ватан йўқ, улар ҳамиша ва исталган пайт Ваттанни сотади. Қозоғистон ва Украина кейси, айниқса олигархларга, улар ичкарида пайдо бўлганми ё ташқаридан кириб келганми, муносабат ва сиёсат мисолида бизни хушёрликка чақириши керак.