2021 йил охирида кенгайиб кетган пул масссаси январь ойида меъёрлаштирилган Ўтган йилнинг охирида кескин кенгайиб кетган пул массаси йилнинг илк ойидаёқ меъёрдаги кўрсаткичларига қайтарилган. Кенг маънодаги пул массаси 140,2 трлн.сўмдан, 130,5 трлн.сўмгача, миллий валютадаги пул массаси эса 94,8 трлн.сўмдан 88,3 трлн.сўмгача қисқарган. Хусусан, муомаладаги нақд пуллар 2,2 трлн.сўмга камайган ва 26,5 трлн.сўмни ташкил этган. Пул массасининг меъёрлашиши вакиллик ҳисобварақлари қолдиқларида ҳам акс этган. Январь ойи давомида вакиллик қолдиқлари қарийб 9,5 трлн.сўм камайиб 15,5 трлн.сўмдан иборат бўлган. Бу ўтган чорак ўртачалари даражасида.