Россия Марказий банкининг ярмидан кўп олтин-валюта резервлари музлатилади Европа иттифоқи ташқи ишлар комиссари Жозеп Боррель санкциялар доирасида Россия Марказий банкининг ярмидан кўп резервлари музлатилишини эълон қилган. Охирги очиқланган санага Россия Марказий банки резервлари 643,2 миллиард доллардан иборат эди. Шунингдек, бир неча соат аввал Россия Марказий банки рус банклари валюта ва олтин бўйича очиқ валюта позицияси лимитларини бузганликлари учун чоралар кўрилмаслигини маълум қилган. Қозоғистон миллий банки зарурат туғилганда валюта интервенцияларини амалга ошириши ҳақида ахборот берган. Тенге курсининг эгилувчанлиги олтин-валюта активларини сақлашда муҳим экани қайд этилган.