Uzavtosavdo боти ва иловасидан Damas ва Labo таклифлари ғойиб бўлди Бугун эрталабгача Uzavtosavdo иловаси ва боти орқали контрактация тузиш мумкин бўлган маҳаллий автомобиллар фақат Damas ва Labo эди. Айни соатларда ўзбек истеъмолчилари учун охирги танлов бўлган мазкур имконият ҳам йўқолган. Uzavtosavdo иловаси ва боти орқали таклиф рўйхатида ҳозир фақат чайқовчилик йўли билан (бож тўламай) хориждан келтирилиб сотилаётган 947,5 миллион сўмлик Tahoe, 647,6 миллион сўмлик Traverse, 398,0 миллион сўмлик Trailblazer бор холос. Назаримизда, Uzavto motors нархларни оширишга тап-тайёр.